Forcat e Haftarit sulmojnë Tripolin, tre të vdekur

19:57 | 6 Maj 2020
Arbresh.info

Të paktën tre civilë janë vrarë pasi milicët e gjeneralit puçist me bazë në lindje të Libisë, Khalifa Haftar, sulmuan kryeqytetin Tripoli, transmeton Anadolu Agency (AA).

Nënsekretari i Ministrisë së Shëndetësisë së qeverisë libiane, Amin al-Hashimi, gjithashtu tha se në sulm janë plagosur edhe 19 civilë të tjerë, duke përfshirë edhe fëmijë.

Predhat ranë në një rrugë bregdetare në rajonin Tajura, tha ai, duke shtuar se rruga është e vetmja që lidh Tripolin me zonat përreth në lindje.

Pas rrëzimit të sundimtarit Muammar Gaddafi në vitin 2011, nën një marrëveshje politike të udhëhequr nga Kombet e Bashkuara (OKB) në vitin 2015 u themelua qeveria e Libisë. Që nga prilli i vitit 2019, kjo qeveri është sulmuar nga forcat e Haftarit me bazë në Libinë lindore dhe në këto sulme kanë humbur jetën mbi një mijë persona.

Shpërndaje në rrjete sociale

Lajmet më të lexuara

Të ngjashme

Foto lajm